આજ ના પરિવર્તન યુગમાં સમાજના વર્ગો વિકાસ અને પ્રગતિના રાહે જતા હોય ત્યારે તેમના કદમ થી કદમ મિલાવવાની તાતી જરૂરિયાત ને આપણે સાર્થક કરી બતાવી છે. આપણા મંડળ દ્વારા સમૂહલગ્ન, તેજસ્વી તારલાઓ નું સન્માન, લગ્નોત્સુક યુવક-યુવતીઓના પરિચય મેળા નું આયોજન જેવી પ્રવૃતીઓ કરવામાં આવી રહેલ છે.

          ગત જનરલ સભા તારીખ ૦૧/૧૨/૨૦૧૮ ને શનિવાર ના રોજ સોજા ગામ મુકામે આયોજન કરેલ. તેમાં આપણા સમાજ ના એક જાગૃત સભાસદ દ્વારા વેબસાઈટ બનાવવા બાબતે સુચન કરેલ … કે વેબસાઈટ થકી એક જ મંચ ઉપર સમાજ ની તમામ માહિતી મેળવવી શક્ય છે. જેમ કે જરૂરી ફોર્મ ડાઉનલોડ, સભાસદો ની યાદી, ચાલુ તથા માજી હોદ્દેદારો ની યાદી, સમાજ દ્વારા આપવામાં આવતી સહાય/ સ્કોલરશીપ વગેરે ની માહિતી, દાતાશ્રીઓ ની યાદી, સામાજિક ફોટોગ્રાફ, સમૂહલગ્ન ની પત્રિકાઓ વગેરે જેવી અનેક સામાજિક માહિતી આંગરી ના ટેરવે મેળવી શકાય. જેનાથી ના માત્ર માહિતી મેળવી શકાય પરંતુ આ વેબસાઈટ ના કારણે સમાજને સ્ટેશનરી ખર્ચમાં પણ ધડ્ખમ ઘટાડો લાવી શકાય છે.

          આજનો યુગ ડીજીટલ યુગ છે. વિકસિત દેશો તેમાં આગળ નીકળી ગયા છે. જયારે ભારત જેવા વિકસતા દેશો પણ આ ક્ષેત્રમાં બહુ ઝડપ થે પ્રયાણ કરી રહ્યા છે. આ ક્ષેત્રમાં આપણે પાછળ ન રહી જઈએ અને વિકસતા જમાના સાથે કદમ થી કદમ મિલાવી ને આગળ વધતા જઈએ એની તાતી જરૂરિયાત છે.